Xestreu é unha fusión de cinco formas diferentes de pensar, de sentir, coas achegas persoais de cada unha das súas integrantes…. Isto é o que o define…Do que escoitan ao que cantan hai unha viaxe, un camiño, todo un proceso de adaptación e transformación. O resultado é ese toque persoal Xestreu.

As pezas chegan ao grupo pola indagación de cada unha das compoñentes, dos propios gustos, pola doazón desinteresada de amigos e sobre todo grazas as mulleres que cantan aínda na nosa terra. As súas fontes son esas persoas anónimas de cada pobo, híbrido de canto tradicional e popular. Esas xentes que lles cantan e lles ensinan máis ca unha cantiga.

Gústalles aprender das culturas do mundo, coñecer ás súas tradicións e formas de vivir.

Xestreu  afonda na recollida, adaptación e interpretación das cantigas dos diferentes pobos do mundo. Rachando coas fronteiras e cos prexuizos incorpora os cantos dos pobos á súa forma de entender a música: Portugal, Ucraina, Piamonte Italiano, Mexico, Cultura Cherokee, Cultura Sefardí, Magreb, Flandes, Macedonia, Cerdeña, son os camiños  polos que discorre a viaxe dos seus concertos en directo, pero todos tendo como epicentro Galicia.

Dende o seu nacemento ata hoxe Xestreu ten actuado nas principais vilas galegas, Portugal, distintas provincias españolas, programas de televisión (Luar, Bamboleo, A Solaina…) Radios, Festivais (de Ortigueira, da Luz…), Fiadeiros populares, Certames de música coral e encontros musicais en xeral, eventos solidarios e colaboracións con diferentes artistas de diferentes procedencias.

EMILIO RÚA (Vendas da Barreira, Ourense 1976). É un cantautor e músico galego que comeza a súa traxectoria profesional aos sete anos no grupo musical Concorde Atenea formado polo seu pai e os seus catro irmáns. Conta con nove discos publicados no mercado dende o ano 2000 e dúos premios en España de cantautores. No seu último disco Duetos cantan con el 16 artistas nacionais e internacionais como Víctor Manuel, Pablo Milanés, Rozalén, etc. A súa composición/canción Vida Miña foi elixida polos lectores do diario La Voz de Galicia como unha das dez mellores cancións galegas de tódolos tempos

ROSA CEDRÓN (Monforte de Lemos, Lugo, 25 de octubre de 1972). É unha cantante galega e intérprete de violonchelo que comeza a súa andaina musical á idade de sete anos. É coñecida por ser a voz durante nove anos no grupo Luar na Lubre un dos grupos más importantes da música folc en Galicia, e colaborar en discos de músicos como Mike Oldfield con que compartir varios concertos e con gaiteira e pianista Cristina Pato. Foi ademáis profesora de Sabela Ramil, concursante de Operación Triunfo 2018 de RTVE.
Conta con dous discos en solitario.

ROSA CEDRÓN & EMILIO RÚA presentan o espectáculo diversións. Dous artistas cunha amplísima traxectoria no mundo da música, coincidindo ambos en que comezaron na música á idade de sete anos. Diversións é un proxecto conxunto que pon en valor a música en galego neste caso facendo diferentes versións de temas populares, poemas e clásicos universáis. Así como A Carolina, Miudiño, María Soliña, Lela, Camariñas, etc. Un espectáculo diferente con moita calidade, elegante á vez que moi ameno e divertido. 

Dámosche a benvida! Estás no Concello de Riós, na Parroquia de Santo Estevo de Trasestrada e, máis concretamente na súa Casa Reitoral. A denominación popular desta zona é A Chaira que, comprende cinco barrios: A Veiguiña, Domiz, O Souto, Sarreaus e A Eirexa.

Riós está situado no sueste da provincia de Ourense, nas fronteirizas comarcas de Verín e Conso-Frieiras, nunha zona de montaña, de superficie ondulada i enmarcada por pequenas depresións fluviais entre a Serra Seca e a de Penas Libres.

A REITORAL DA CHAIRA.-

As paredes que nos acollen teñen décadas de história e centos de relatos,vivencias e acontecementos que conforman o espazo que hoxe estamos a disfrutar.

O párroco D. Gregorio Paradela Delgado foi habitante da casa por máis de 40 anos e deixou pegada polo seu carácter. Curiosas son as “cañoneiras” na pedra polas que apuntaba a calqueira visitante sospeitoso que se achegase á súa vivenda. Hai que lembrar que éste era un lugar afastado e houbo épocas moi complicadas coa guerra civil, o contrabando,etc.

Nas estancias inferiores ubicábanse as cuadras e bodegas. O piso alto era residencia e servía de recepción para os fregueses que se achegaban á Reitoral para as súas xestións.

O terreo que rodea a Reitoral é propiedade do Obispado e recibe o nome de “diestro”. As rendas que os veciños pagaban á Igrexa dotaron económicamente á casa; de ahí o seu tamaño.

A CASTAÑA.-

A Casa foi eficazmente restaurada polo Concello e, de resultas, foi inaugurada no ano 2001 como Centro de Interpretación da Castaña.

Riós é terra de Castañas e o Centro pretende dar a coñecer a historia e particularidades deste cultivo tan arraigado na zona.

Tradicionalmente secábase o froito nos “canizos” das cociñas. Con este proceso consérvase sen problema durante varios meses.

Até a chegada da pataca e o millo de América(XVI) foi un alimento básico na dieta dos habitantes desta zona.

No primeiro fin de semana de novembro celébrase a Festa da Castaña e o Cogumelo; un evento que pon de relevo os recursos naturais desta terra pero que tamén da conta do moito que ten que ofrecer no eido da artesanía e o comercio, entre outras cousas.

O CAMIÑO DE SANTIAGO

Uns anos máis tarde instalouse na Casa Reitoral un albergue que conta na actualidade con 32 plazas.

Estamos ubicados nunha variante da Ruta da Prata polo que o albergue proporciona plazas de aloxamento a camiñantes de todo o mundo que percorren a senda xacobea.

OUTRAS RUTAS

O concello de Riós ten un indudable atractivo para o visitante e ofrece rutas de turismo activo que van máis alá do camiño de Santiago(Foxo dos Lobos,Btt,ruta Europea da Castaña…).

Fornos,muiños e igrexas, entre outros elementos, conforman un riquísimo patrimonio cultural.

De natureza tamén ten moito que amosar Riós. Concello montañoso con altitudes que oscilan aproximadamente entre os 700 e 975 mts

sobre o nivel do mar. A súa máxima elevación está no punto de Fumaces.

O Canon do río Mente que, no seu tramo final fai de fronteira natural con Portugal, acolle especies singulares.

Por todo o Concello castiñeiros,carballos, bidueiros e moitas outras especies conforman un ecosistema diverso e pouco alterado.

Recomendamos pasear sen presa e conversar coa veciñanza. Estamos convencidos de que non hai mellor guía para visitar un lugar que os seus habitantes, e Riós non é unha excepción.

Disfruta da nosa gastronomía e merca productos desta terra que tanto e tan bó ten que ofrecer:mel,castañas,conchos,patacas,pan…

AS NOSAS FESTAS.-

Non hai aldea que non teña a súa festa pero hainas con personalidade propria coma a da “Queimada de Castrelo de Cima” ou o Entroido co singular Vellarrón.

A REITORAL: EDIFICIO MULTIUSOS.-

Un salón de actos permite levar adiante multitude de eventos culturais coma charlas,proxeccións, obradoiros,etc.

No patio celébranse actos culturais ao aire libre(concertos,representacións,etc)

Todas estas posibilidades están en marcha nesta nova etapa que se iniciou nos primeiros de agosto de 2017.

Tamén atoparás información sobre as distintas rutas e lugares a visitar.

Agradecemos a túa visita e pretendemos que disfrutes da túa estancia.